Ruta de Castelos e Miradoiros

Cun extenso litoral marítimo, en Ferrol altérnanse costas abruptas e escarpadas coas tranquilas augas de ría. Os faros dos emblemáticos cabos Prioriño, cuxa construción data de 1854 e Prior, edificado en 1853, contaxian a emoción de enfrontarse á inmensidade do Atlántico. A costa ferrolá forma parte da chamada Costa Ártabra, espazo natural protexido como Lugar de Importancia Comunitaria. Para gozar da gran beleza da ría de Ferrol nada mellor que seguir a liña de costa e gozar das máis fermosas vistas nos miradoiros naturais. Desde eles admiramos o Golfo Ártabro que tanto interese espertou nos antigos romanos. A nosa ruta mesturará a historia e os enclaves naturais.